Klub geskiedenis
Elaine Els het die Klub in Februarie 2016 gestig - met net 3 lede : Elaine
Els, Coenie Els en Marica Meades. Elaine het in die plaaslike koerantjie
geadverteer en van daar is dit net goeie geskiedenis. Ons eerste offisiële
judging was in Mei 2016 gedoen.
Toe daar besluit is om 'n Komitee te begin, was dit as volg : President =
ElaineEls, VisePresident = Johannatjie Malherbe, Tesourier = Lelia
Etsebeth, Sekretaressse = Marica Meades, Addissionele Lid = Freddy Walken.
Dit het nou (begin 2018) verander met Elaine Els wat besluit het om terug te staan.
(Dit hang af wat verstaan word onder die woord “terug te staan”)
Hulle het Port Elizabeth toe verhuis en dit was beter om die Bestuur te
oorhandig aan iemand wat in Frankfort bly. Johannatjie Malherbe is toe
gekies as President / Voorsitter met Marica Medes as Vise-Voorsitter.
Die klub het geweldige goeie groei getoon. Ons het begin met 3 lede
in Februarie 2016 en staan tans op 20 lede (2018).
Tydens ons eerste vergadering het ons mekaar beter leer ken. Ons het toe vasgestel wie
weet wat van hulle kameras. Daarna het die groot leer begin, met baie pret en jolyt. ‘n
Tradisie wat vandag nog voort gesit word met elke maandelikse saamkoms.
Dit dien hier gemeld te word dat Coenie en Elaine Els vandag
lewenslange Ere-lede van die klub is, gereeld, al is hulle vêr, maandeliks hulle
kennis steeds met ons deel. Elaine is ook nog aktief betrokke met die maandelikse
be-oordeling van die klubinskrywings en dit is duidelik dat daar nie toegelaat
gaan word dat die klub se stof van hulle voete gaan afkom nie.
Johannatjie Malherbe, die huidige President, vir die meeste van ons sommer net Tannie
Johannatjie se tuis ateljee is ons maandelikse plek van bymekaar kom.
Natuurlik is dit ook die plek waar die lekkerste koffie uitgedeel word , raad gegee word,
inligtingsessies gehou en uitstappies beplan word.
Kenners wat hulle vaardighede deel is gereeld gaste.